नेपालगन्ज – नवराज विकसहित ६ जनालाई मारेर नदीमा फालिएको निष्कर्श निकाल्दै प्रदेश नम्बर ५ का अधिकारकर्मीहरुले प्रतिवेदन सार्वजनिक गरेका छन् । शुक्रबार बाँकेको कोहलपुरमा पत्रकार सम्मेलन गर्दै मानवअधिकारकर्मीले जेठ १० गते रुकुम चौरजहारी ८ सोतीमा जाजरकोट ४ का नवराज विकसहित ६ जना युवाहरुलाई कुटपिट गरेर हत्या गरी भेरीमा फालेको र सोती घटना जातीय विभेदकै कारण घटेको निष्कर्श निकालेको हो ।
प्रदेश नम्बर ५ को नेतृत्व गर्दै जेठ १२ गते जाजरकोट र रुकुम पुगेको मानवअधिकारकर्मीको टोलीले प्रतिवेदन प्रस्तुत गर्दै रुकुम घटना जातीय विभेदका कारण भएको र नवराज विकसहित ६ जनालाई मारेर नदीमा बगाएको उल्लेख छ । १५ पेजको प्रतिवेदन सार्वजनिक गर्दै समितिले घटना जातीय विभेदकै कारण भएको र ६ जनालाई कुटपिट पछि हत्या गरेर नदीमा फालिएको उल्लेख छ ।
जेठ १२ गते प्रदेश नम्बर ५ बाट मानवअधिकार र पत्रकारको अनुगमन समिति घटनास्थलमा पुगेको थियो । घटनाको नेतृत्व दलित गैरसरकारी संस्था महासंघ प्रदेश नम्बर ५ संयोजक डिलबहादुर परियारले गरेका थिए । रुकुम घटनाका विषयमा विभिन्न ८ अधिकारकर्मी संघसंस्थाले घटनास्थलको स्थलगत अध्ययन र अनुमगन गरी प्रतिवेदन पनि सार्वजनिक गरेका हुन् ।
प्रतिवेदन सार्वजनिक गर्नेमा नेपाल दलित मुक्ति संगठन ५ नं.प्रदेश, नेपाल दलित मुक्ति संगठन बाँके, नेपाल दलित संघ बाँके, गैरसरकारी संस्था महासंघ ५ नं.प्रदेश, दलित गैरसरकारी संस्था महासंघ, नेपाल दलित मुक्ति संगठन बाँके, दलित महिला संघ बाँके र नेपाल दलित मुक्ति संगठन बाँके रहेका छन् ।
यो पनि पढ्नुहोस्
अन्तर्जातीय प्रेम प्रकरणः कुटेर नवराजसहित ६ जनाको हत्या गरिएको जाजरकोट कांग्रेसको ठम्याइ
अन्तर्जातीय प्रेम प्रकरणः हात बाँधेको अवस्थामा लोकेन्द्रको शव फेला
क्षतिपूर्ति र कारबाहीको मागसहित नवराज विक पक्षधरको रिले अनसन
नवराज हत्या घटनाविरुद्ध जाजरकोटमा प्रदर्शन, अनुसन्धानका लागि १५ जना पक्राउ
नवराजका बुवा भन्छन् ‘बुहारी लिन जाँदा यो अवस्था भयो’
