नेपालगन्ज, असार ४–
नेपाल सरकारको शिक्षा मन्त्रालय अन्तर्गत रहेको युनेस्कोको राष्ट्रिय आयोगका उपमहासचिव डा.कमलेश्वर सिन्हा नेतृत्वको एक टोलीले बाँके युनेस्को क्लबद्धारा सञ्चालित कार्यक्रमको स्थलगत अनुगमन गरेको छ । सो टोलीले बाँके युनेस्को क्लबद्धारा नेपालगन्ज उपहानगरपालिका, कम्दी, फत्तेपुर, बैजापुर, विनौना र कचनापुर गाविसमा सञ्चालनमा रहेका कार्यक्रको स्थलगत अनुगमन गरेको हो ।
युनेस्कोको राष्ट्रिय आयोगका उपमहासचिव डा.सिन्हाको टोलीले नेपालगन्ज बेलासपुरस्थित बागेश्वरी प्राथिमक बिद्यालय र वडा नम्बर ८ मा रहेको मदरसा आयशतुल बनातको स्थलगत अनुगमन गर्दै ती दुबै बिद्यालय उत्कृष्ट रुपमा संचालनमा रहेको निष्कर्श निकालेको थियो । सो अवसरमा दुुबै बिद्यालयका प्रधानाध्यापकहरुले हालसम्मको प्रगति सुनाउदै समस्याहरु पनि सुुनाउनुु भएको थियो । यस्तै सो टोलीले कम्दी गाविसको स्वास्थ्य चौकी र गाविस कार्यालयमा पुुगेर त्यहाँ क्लबद्धारा सञ्चालित साझेदारी विकास र स्वास्थ्य कार्यक्रमका बारेमा जानकारी लिएको थियो ।