कञ्चनपुर, फागुन ७–
विवाह भोजमा सहभागि हुन जान भनि घरबाट निस्केका कञ्चनपुरको झलारी पिपलाडी नगरपालिका–८ नौखरीका ३२ वर्षीय आशाराम चौधरी मृत फेला परेका छन् । घर नजिकैको रुखमा झुन्डिएको अवस्थामा उनी फेला परेका हुन् । चौधरी झुन्डिएको अवस्थामा देखेपछि घरपरिवारका सदस्यले तत्काल इलाका प्रहरी कार्यालय झलारीमा खबर गरेका थिए ।
घटनास्थलमा पुगेको प्रहरीको टोलीले चौधरीको शव रुखबाट निकाली शव परीक्षणका लागि महाकाली अञ्चल अस्पतालमा पठाएको छ । इलाका प्रहरी कार्यालय झलारीका प्रहरी निरीक्षक सुदाम रावलले चौधरीको आर्थिक अवस्था कमजोर रहेकाले घरपरिवारको खर्च धान्न नसक्दा आत्महत्या गरेको हुन सक्ने बताए ।
