नेपालगन्ज, मंसिर २३–
सिमांकनको विरोधमा गरिएको आन्दोलनको समाचार संकलन गर्न पुगेका बेला गोली लागेर घाईते भएका सुर्खेतका पत्रकार आइसिङ रोकालाई इन्सेकले नगद रकम सहयोग गरेको छ । स्थानीय बुलबुले एफएममा कार्यरत पत्रकार रोकालाई इन्सेक नेपालगन्जले १५ हजार रुपैयाँ नगद सहयोग प्रदान गरेको हो ।
सिमांकन विरुद्ध सुर्खेतमा चलेको आन्दोलनको समाचार संकलनको क्रममा गत साउन २५ गते प्रहरीको गोली लागेर उनी घाईते भएका थिए । पत्रकार रोकालाई इन्सेका सुर्खेत जिल्ला प्रतिनिधि दुर्गा थापाले उक्त रकम हस्तान्तरण गरे । पत्रकार रोकालाई यसअघि नेपाल पत्रकार महासंघ केन्द्रीय समितिको पहलमा इन्टरनेशनल मिडिया सपोर्टले एक लाख २ हजार ७ सय ४० रुपैयाँ सहयोग हस्तान्तरण गरेको थियो ।