काठमाडौं, कात्तिक २४
प्रधानमन्त्री केपी शर्मा ओलीले मंगलबार देशवासीको नाममा गर्ने भनिएको सम्बोधन तिहार पछि हुने भएको छ। प्रधानमन्त्रीका प्रेस सल्लाहकारले प्रेस नोट प्रकाशित गर्दै प्रधानमन्त्रीको सम्बोधन तिहारपछि हुने जनाएका हुन् । प्रधानमन्त्री भएको एकमहिना पूरा भएको सन्दर्भमा प्रधानमन्त्रीको सम्बोधन आउने बताइएको थियो। भारतले लगाएको नाकाबन्दी, मधेस आन्दोलन, इन्धनलगायत अत्यावश्यक उपभोग्य सामग्रीको अभाव र ठूला चाडपर्वको सन्दर्भासमेत समेटेर प्रधानमन्त्रीको सम्बोधन हुने अपेक्षा थियो।