काठमाडौं, कात्तिक १०–
संयुक्त लोकतान्त्रिक मधेसी मोर्चाले राष्ट्रपति चुनावमा भाग नलिने भएको छ । असोज २४ गते प्रधानमन्त्री चुनावमा भाग लिएको मोर्चाले मधेसमा चौतर्फी आलोचना भएको भन्दै राष्ट्रपति चुनावमा भाग नलिने निर्णय लिएको हो ।
‘हाम्रा मुद्दाहरु सम्बोधन नहुन्जेल दैनन्दिन राजनीतिक प्रक्रियामा सहभागी हुनुको कुनै अर्थ छैन,’ तमलोपा अध्यक्ष महन्थ ठाकुरले भने, ‘यो कुरा पहिल्यै निर्णय भइसकेको छ । त्यसैले राष्ट्रपति चुनावमा पनि भाग लिदैनौं ।’ मधेसी मोर्चासग संसदमा ३५ सिट छ ।