काठमाडौं, असोज २०
नेपाली कांग्रेसले पार्टीको १३ औं महाधिवेशन फागुन २० गतेदेखि २३ गतेसम्म काठमाडौंमा गर्ने निर्णय गरेको छ। प्रधानमन्त्री निवास बालुवाटारमा बुधबार बसेको केन्द्रीय समिति बैठकले पार्टीको अधिवेशनको गाउँ, नगर, निर्वाचन क्षेत्र र जिल्ला तहको अधिवेशनको मितिसहित केन्द्रीय अधिवेशनको मिति र स्थान तय गरेको हो। बैठकले गाउँ र नगरको अधिवेशन माघ १५ गते, निर्वाचन क्षेत्रमा माघ २२ गते र जिल्ला समितिको अधिवेशन माघ २५ गतेका लागि तय गरिएको छ। त्यसपछि केन्द्रीय अधिवेशनका लागि फागुन २० गतेदेखि २३ गतेसम्मको समय तोकिएको छ।
