नेपालगन्ज, असोज ९–
आफ्नो देशको समस्या हामी आफै समाधन गरौ, भारतीय हस्तक्षेपको विरोध गरौं’ भन्ने नाराका साथ ‘ब्याक अफ ईन्डिया’ अभियान अन्र्तगत आईतबार नेपालगन्जमा विरोध प्रर्दशन गरिने भएको छ । संविधान निर्माणमा असन्तुष्टी जनाउँदै भारतीय पक्षले नेपाल र नेपालीको सार्वभौमिकता र राष्ट्रियतामाथि ठाडो हस्तक्षेप गरेको भन्दै युवा, बिद्यार्थी लगायतले स्वतः स्फुर्त रुपमा प्रर्दशन गर्न लागेका हुन् । नेपालगन्जमा शनिबार सम्पन्न विभिन्न विद्यार्थी संगठन, युवा, नगारिक समाजका अगुवा लगायतको संयुक्त बैठकले भारत विरुद्ध व्यापक मात्रामा बिरोध प्रर्दशन गर्ने निर्णय गरेको हो ।
आईतबार बिहान साढे ८ बजे स्थानीय गणेशमान चोकबाट राष्ट्रिय झण्डा सहित विरोध प्रर्दशन गर्दै विपी चोक सम्म पुग्ने कार्यक्रम रहेको नेपालगन्ज सचेत युवा समुहले जनाएको छ । विरोध प्रर्दशनमा स्वतः स्फुर्त रुपमा सहभागि हुन समुहले विभिन्न संघ, संगठन, राजनितिककर्मी, वुद्धिजिवी, नागरिक समाज, उद्योगी व्यवसायी, अधिकारकर्मी, अधिवक्ता, सञ्चारकर्मी, सर्वसाधारण लगायत सबैलाई आब्हान गरेको छ ।
