काठमाडौं, भदौ २९
अमेरिका र भारतले सोमबार राति विज्ञप्ति जारी गर्दै नेपालमा बन्ने नयाँ संविधानबारे खुसी व्यक्त गरेका छन् । संविधान सभाबाट हासिल भएको संविधान निर्माण प्रक्रियाको प्रगति र प्रशंसा गर्दै दुई देशले खुसी व्यक्त गरेका हुन् ।
सोमबार राति जारी अमेरिकाले जारी गरेको विज्ञप्तिमा संविधानमा सकेसम्म धेरैको समर्थन हुनुपर्ने र यसले लैङ्गिक समानता र मौलिक आधारभूत स्वतन्त्रताका हकहरु समेट्नुपर्ने उल्लेख गरेको छ। तराईमा भइरहेको हिंसाको नाम नलिइकनै अमेरिकाले भनेको छ, ‘हामी सबै नागरिकलाई शान्तिपूर्ण र अहिंसात्मक हिसाबले आफ्ना कुरा राख्न र सुरक्षाकर्मीलाई संयम अपनाउन अनुरोध गर्छौं ।’
त्यस्तै ‘भारतले सधैँ नेपालमा शान्ति, स्थायित्व, एकता र विकासमा सहयोग गर्दै आएको छ’, भारतीय विदेश मन्त्रालयले पनि सोमबारै राति जारी गरेको विज्ञप्तिमा भनिएको छ, ‘दुई देशकयता नेपालमा हिंसा, अस्थिरता, आन्तरिक द्वन्द्व र राजनीतिक विवादको पनि हामी साक्षी छौं, जसले नकारात्मक परिणामहरु समेत दिएका छन्।’ विज्ञप्तिमा भनिएको छ, संघर्षका नाउँमा ‘नेपाली नागरिक होस् वा सरकारी कर्मचारी सबै घटनामा बगेको रगत नेपालीकै हो ।’
