छिनछिन खबर
बाँके (राप्तीसोनारी), वैशाख १–
नेपाली कांग्रेस राप्ती सोनारी गाउँपालिकाका सचिव तुलाराम खत्रीले सरकारले गरेको लकडाउनको पूर्ण रुपमा पालना गर्न अपिल गरेका छन् । कोरोना भाईरस कोभिड–१९ को महामारी विश्वभर फैलिएको भन्दै सचिव खत्रीले राप्ती सोनारी गाउँपालिबासीलाई लकडाउनको पूर्ण पालना गर्न अपिल गरेका हुन् ।
देशका विभिन्न जिल्ला र छिमेकी भारतमा कोरोना भाइरसको संक्रमण बढेको भन्दै लकडाउनको पालना गरी सचेत रहन अपिल गरेका हुन् । सचिव खत्रीले सोमबार सामाजिक सञ्जाल र विज्ञप्ति जारी गर्दै गाउँपालिकावासीमा कोरोनाबाट सचेत रहन अनुरोध गरेका हुन् । सरकारले जारी गरेको लकडाउन नै कोरोनाकाट बच्ने र बचाउने उपाय भएको खत्रीको भनाइ छ । लकडाउन पालना गरी सभ्य र शिक्षित नागरिकको उदाहरण दिन उनले अपिल गरेका छन् । यो समयमा नियमित साबुन पानीले हातखुट्टा धुन र घरभित्रै बस्नसमेत उनले अपिल गरेका छन् । साथै सरकारले गरेको लकडाउका कारण प्रभावित दैनिक ज्याला मजदुरी विपन्न, गरिब तथा असहाय घरपरिवारलाई गाउँपालिकाले एकद्वार प्रणालीबाट वितरण भइरहेको राहत कार्यको प्रशंसनीय भएको र थप प्रभावकारी बनाउन सम्पूर्ण संयन्त्र अपनाउन सचिव खत्रीले अपिल गरेका छन् ।