छिनछिन खबर
काठमाडौं–सर्वाेच्च अदालतले बैंक तथा वित्तीय संस्थाका प्रमुख कार्यकारी अधिकृतको उमेर हद तोक्ने राष्ट्र बैंकको निर्देशन संविधानको मौलिक हकको व्यवस्था विरुद्ध भएको ठहर गरेको छ ।
राष्ट्र बैंकले बैंक तथा वित्तीय संस्थाका प्रमुख कार्यकारी अधिकृत (सिइओ) को उमेर हद तोक्नु संविधानको व्यवस्था अनुसार व्यक्तिको पेशा व्यवसाय गर्ने मौलिक विपरित भएको भन्दै कार्यान्वयन नगर्न नगराउन निर्देशन दिएको छ । राष्ट्र बैंकले २० साउनमा एकीकृत निर्देशनमार्फत बैंक तथा वित्तीय संस्थाका सिइओको उमेर हद ६५ वर्ष तोकेको थियो ।
यस्तै पदमा वहाल व्यक्तिले पनि ६९ वर्षसम्म मात्रै बैंकको सिइओ हुन पाउने व्यवस्था गरिएको थियो । राष्ट्र बैंकको सो निर्देशनपछि प्राइम बैंकका सिइओ नारायणदास मानन्धरले काम गर्न पाएका थिएनन् । राष्ट्र बैंकको सो निर्देशनपछि उनी सर्वाेच्च गएका थिए । मानन्धरको निवेदनको सुनुवाई गर्दै सर्वाेच्च अदालतका प्रधान न्यायाधिश चोलेन्द्र शमशेर राणाको इजलासले उमेर हद तोक्न नपाउने आशयको अन्तरिम आदेश दिएको हो ।