छिनछिन खबर
काठमाडौं– सत्तारुढ दल नेकपाका वरिष्ठ नेता माधवकुमार नेपालले एक वर्ष वितेकोले मन्त्रीहरूको कामको मुल्याङकन आधारमा हेरफेर गर्ने बेला आइसकेको बताएका छन् । काठमाडौंको संचारकर्मीले राखेको जिज्ञासामा नेपालले मन्त्रीहरूको कामको मुल्याङकन गरेर हेरफेर गर्नुपर्ने बताएका हुन् ।
‘काम गर्न नसकेका मन्त्रीहरूको स्थानमा नयाँ अनुहार ल्याउनु पर्छ,’ नेता नेपालले भने । वरिष्ठ नेता नेपालले पार्टी एकताको काममा ढिला भएकोमा चिन्ता व्यक्त गर्दै अध्यक्ष प्रचण्ड अमेरिकाबाट फर्किएपछि तुरुन्त सक्नुपर्ने धारणा राखे । पार्टीमा छलफल गर्ने र विधि र पद्धति अनुसार संचालन गर्ने परिपाटी कम भएको छ यो राम्रो होइन यस्ले पार्टीलाई क्षति गर्छ भन्दै नेता नेपालले अध्यक्षद्वयको ध्यानाकर्षण गराए । जनताले सरकारबाट डेलिभरि चाहेको तर सरकारले जनचाहना अनुसार काम गर्न नसकेको उनको भनाइ छ ।
