सपना शर्मा
काठमाडौं, असोज १० । प्रधानमन्त्री केपी शर्मा ओलीले विकसका लागि नेपाललाई लगानीको आवश्यक परेको बताएका छन् । त्यसका लागि उनले लगानी जुन देशबाट भित्रिइ पनि हृदयदेखि नै स्वागत गरिने समेत बताए । संयुक्त राष्ट्रसंघको ७३ औं महासभामा सहभागी हुन अमेरिका पुगेका प्रधानमन्त्री ओलीले बुधबार नेपालीको प्रश्नको चीनको लगानीले ऋणको जाल निम्याउँछ भन्ने कुराप्रति भने असहमति जनाए । उनले व्याजविनाको लगानी गर्न कोही इच्छुक भए आउन आग्रह गरे ।
आफू नेतृत्वको सरकारले ‘समृद्ध नेपाल खुसी नेपाली’को नारा लिएको बताउँदै प्रधानमन्त्री ओलीले समृद्धि मात्रैले खुसी ल्याउन नसक्ने बताए । त्यसैले हाम्रा पुर्खाले हजारौं वर्ष पहिले भन्ने गरेको ‘सर्वे भवन्तु सुखिन, सर्वे सन्तु निरामय’ को मन्त्र आफ्नो सरकारले जप्ने गरेको उनले दाबी गरे ।
