मालती ओली
काठमाडौं, जेठ ७ । सरकारले आगामी आर्थिक वर्ष २०७५÷७६ का लागि नीति तथा कार्यक्रम सार्वजानिक गरेको छ ।
राष्ट्रपति विद्यादेवी भण्डारीले सोमबार दुबै संसदमा सरकारको नीति तथा कार्यक्रम प्रस्तुत गरिन् । राष्ट्रपतिले प्रस्तुत गरेको नीति तथा कार्यक्रमभित्र रहेर यही जेठ १५ गते अर्थमन्त्री डा. युवराज खतिवडाले संसदमा बजेट पेश गर्नेछन् ।
सरकारले स्वदेशमा रोजगारी सिर्जना, भौतिक पूर्वाधारको विकासलाई विशेष प्राथमिकतामा राखेर नीति तथा कार्यक्रम सार्वजनिक गरेको छ ।
यी हुन सरकारका प्रमुख १० प्राथमिकताः
१. पाँच वर्षपछि रोजगारीका लागि विदेश जान नपर्ने
२ पाँच वर्षभित्र सबै स्थानीय तहमा पीच सडक
३. पाँच वर्षभित्र काठमाडौं–तराई दु्रत मार्ग निर्माण
४ पाँच वर्षमा झापादेखि डडेलधुरासम्म मदन भण्डारी राजमार्ग निर्माण
५ दश वर्षमा १५ हजार मेगावाट बिजुली उत्पादन
६ संभाव्यताका आधारमा देशभर मेगा र स्मार्ट सिटी बनाउने
७. तीनवटै निकायमा भवन निर्माण आचारसंहिता लागु गर्ने ८. ठूला अस्पतालमा जेष्ठ नागरिक वार्ड राख्ने
९. तीन वर्षभित्र रंगशाला निर्माण गर्ने
१०. स्थानीय तहमा खेल मैदान बनाउने
