काठमाडौं, कात्तिक १-
अख्तियार दुरुपयोग अनुन्धान आयोगका प्रमुख आयुक्त लोकमान सिंह कार्कीको निवासमा म्याद टाँस्न गएको सर्वोच्चको टोलीमाथि अबरोध भएको छ । म्याद टाँस्न सर्वोच्चका दुई कर्मचारी कार्कीको निवास बानेश्वर हाइट पुगेका थिए । तर आफूलाई सामसुङ कम्पनीका कर्मचारी स्थानीय बनाउने केही युवाको समूहले कार्कीको निवास आफूहरुले भाडामा लिएको भन्दै म्याद टाँस्न नदिने भन्दै अबरोध गरेका हुन् ।
सर्वोच्चका कर्मचारीले आफू लोकमान सिंहको घरमा म्याद टाँस्न जाने भन्दै दश नम्बर वडा सचिव सरिता राईलाई पनि जानकारी गराएको थियो। तर, अन्तिम अवस्थामा वडा सचिव पनि म्याद अनुपस्थित भइन् । म्याद टाँसेको मुचुल्का उठाउन वडा सचिव चाहिन्छ, तर वडा सचिव उपस्थित भइनन् ।
अख्तियार प्रमुखमा कार्कीको नियुक्ती सम्बन्धी मुद्दा सुनुवाइका लागि अदालतमा उपस्थित हुन अटेर गरेपछि सर्वोच्चले कार्कीको घरमा म्याद टाँस्न तामेलदार खटाएको थियो । तर यसअघिको म्याद टाँस्ने प्रयासपनि असफल भएको थियो । तालेमदारले १५ दिनभित्र तामेल गरिसक्नुपर्छ । तामेल हुन नसके आधार र कारणसहित टिप्पणी उठाएर सर्वोच्च प्रशासनमा दिनुपर्छ ।