नेपालगन्ज उद्योग वाणिज्य संघ निर्वाचन
नेपालगन्ज, भदौ २–
नेपालगन्ज उद्योग वाणिज्य संघको निर्वाचनमा होमिएको कपिलप्रसाद अधिकारी नेतृत्वको समवेशी साझा समुहका उम्मेदवारहरुले घरदैलो अभियानलाई तिव्र पारेका छन् । घरदैलोमा पुगेका उम्मेदवारलाई मतदाताले भव्य स्वागत गरेका छन् । राँझा, कारकांदो, भुजईगाउँ लगायत क्षेत्रका मतदाताले आफ्नो समर्थन समावेशी साझा समुहलाई भएको भन्दै मत दिने बताएका हुन् । भेटका क्रममा मतदाताले लामो समयदेखि सक्रिय रहेका समावेशी साझा समुहका उम्मेदवारलाई मत दिने वचन दिएको एक उम्मेदवारले बताए ।
उक्त क्षेत्रको भेटघाटले आफुहरु उत्साहित भएको अध्यक्ष पदका उम्मेदवार कपिलप्रसाद अधिकारीको भनाई छ । बिहीबार कारकांदो, मनिकापुर, भुजईगाउ लगायतको क्षेत्रमा भेटघाट गरेको थियो । यसैबीच कपिलप्रसाद अधिकारी नेतृत्वको समावेशी साझा समूहलाई बाँके बाहेकको अन्य जिल्लाका उद्योग ब्यापार संघका अध्यक्षले नैतिक समर्थन र शुभकामना ब्यक्त गरेका छन् । तुलसीपुर उद्योग ब्यापार संघका अध्यक्ष बिमल रिजाल, रुपन्देही उद्योग बाणिज्य संघका अध्यक्ष दिनेशराज रेग्मीले शुभकामना र नैतिक समर्थन गरेको समावेशी साझा समुह निर्वाचन प्रचार प्रसार समितिले प्रेसित गरेको नोटमा उल्लेख छ ।
