नेपालगन्ज, मंसिर २७–
बाँके युनेस्को क्लबले विभिन्न ठाउँमा सञ्चालन गरेका कार्यक्रमको प्रभावकारीताका विषयमा आइतबार जिल्लास्थित विभिन्न सरोकारवालाले अनुगमन गरेका छन् । नेपालगन्ज उपमहागनरपालिका तथा विभिन्न गाविसमा शिक्षा, स्वास्थ्य, कृषि र बालबालिका क्षेत्रमा सञ्चालित कार्यक्रमको अनुगमन गरिएको हो । संयुक्त टोलीले नेपालगन्जस्थित मदरसा दारुल उलुम गुल्साने मदिना, खेल्दै सिक्ने केन्द्र, भेरी अञ्चल अस्पताल, हनुमान प्राथमिक बिद्यालय गोसाईगाउँ, कम्दीस्थित तरकारी संकलन केन्द्र र स्वास्थ्य चौकी, फत्तेपुरस्थित खानेपानी सरसफाई तथा स्वच्छता समन्वय समिति, बैजापुरस्थित गाउँ बाल संरक्षण समिति र बाल क्लब लगायतको मा अनुगमन गरेको हो ।
जिल्ला विकास समिति बाँकेका अधिकृत शरद पौडेलको अगुवाईमा गरिएको अनुगमनका क्रममा बाँके युनेस्को क्लबका अध्यक्ष प्रवेजअलि सिद्धिकी सहितका पदाधिकारी तथा जिल्ला जनस्वास्थ्य कार्यालय, कृषि विकास कार्यालय, नेपालगन्ज उपमहानगरपालिका, खानेपानी, सेभ द चिल्डे«न लगायत सरकारी तथा गैरसरकारी कार्यालयका प्रमुख तथा प्रतिनीधिको सहभागिता रहेको थियो ।
