छिनछिन खबर
काठमाडौं–विभिन्न व्यक्तिको नाममा नक्कली फर्म खडा गरी ठगी गरेको अभियोगमा प्रोकरस इन्टरेनसनका सन्चालक सरोजकुमार मिश्रसहित १० जनाविरुद्ध राजश्व अनुसन्धान विभागले पाटन उच्च अदालतमा मुद्दा दायर गरेको छ । नक्कली भ्याट बिल प्रयोग गरी फर्महरुको बैंक खाता सञ्चालन गर्ने १० जनाविरुद्ध १ अर्ब चार करोड २४ लाख ९९ हजार ७२८ बराबरको बिगो दावी गर्दै विभागले मुद्दा दायर गरेको हो ।
नक्कली भ्याट बिल बनाउनेमा प्रोकरस इन्टरनेसनल, आरके एस इन्टरेनसनल प्रालि, अनन्या इन्टरनेसनल, इन्टरसिटी इन्टरनेसनल, ब्लुक्रस टे«डर्स, जेन सप्लायर्स, राज एण्ड किशोर इन्टरनेसनललगायत छन् ।
विभागका अनुसार मिश्रले मात्रै ९ वटा भ्याट नम्बर लिएको पाएएको छ । विभागले मिश्रविरुद्ध भ्याट तर्फ ३४ करोड ८ लाख ५४ हजार ४०४, आयकर तर्फ ६४ करोड ८९ लाख १८ हजार ८५ र लाभांशतर्फ ५ करोड २७ लाख २७ हजार १३९ बिगो कायम गरेको छ । यस्तै, उमाशंकर सहनीले २ वटा भ्याट नम्बर प्रयोग गरेका छन् । विभागले सहनीविरुद्ध भ्याटतर्फ ११ करोड ६३ लाख १९ हजार ६१२, आयकरतर्फ १९ करोड ५६ लाख ७७ हजार ८९५ र लाभांशकर तर्फ २ करोड ८६ लाख ६० हजार ६२४ बराबरको बिगो दावी गरेको छ । कूल गरी ३४ करोड ६ लाख ५८ हजार १३१ रहेको छ ।
सञ्जय भन्ने जयककिशोर साहको ४ वटा भ्याट नम्बर देखिएको छ । विभागले साह विरुद्ध भ्याटतर्फ १६ करोड ७५ लाख ३८ हजार ८८४, आयकरतर्फ ३० करोड ७६ लाख ७३ हजार ३१ र लाभांशतर्फ ३ करोड ४ लाख ६० हजार ९९५ बराबरको बिगो दावी गरेको छ । कूल गरी ५० करोड ५६ लाख ७२ हजार ९१० बिगो दावी गरिएको छ । परमेश्वर साहको विभिन्न ४ कम्पनीको नाममा ४ वटा भ्याट नम्बर प्रयोग भएको विभागको विवरणमा उल्लेख छ । विभागले साह विरुद्ध समेत ५० करोड ५६ लाख ७२ हजार ९१० बराबरको बिगो दावी गरेको छ । विभागले मतियारको रुपमा रहेका तोयानाथ अधिकारीविरुद्ध १४ करोड ३१ लाख ७७ हजार ८५२ बराबरको बिगो दावी गरेको छ ।
