बाँके (डुडुवा)– डुडुवामा आइतबार थप दुई जनामा कोरोना संक्रमणको पुष्टि भएको छ । डुडुवा गाउँपालिका वार्ड नंं १ का १९ वर्षीय पुरुष र वार्ड नं. ३ का २२ वर्षीय पुरुषमा कोरोना संक्रमण देखिएको भेरी अस्पतालको रिपोर्टमा उल्लेख छ । संक्रमित दुवैजनालाई पालिकाको ४ नं. स्थित आधारभूत विद्यालय शाहपुर्वको आइसोलेशन वार्डमा राखिएको गाउँपालिका स्वास्थ्य शाखा संयोजक धनबहादुर बुढाले बताए ।
शनिबार १७ जना कोरोना संक्रमितहरु निको भएर घर फर्किएका छन् । योसँगै डुडुवा गाउँपालिकामा पुराना कूल २५ जना कोरोना संक्रमित सबै घर फर्किसकेका छन् ।
