छिनछिन खबर
बाँके(नरैनापुर), वैशाख ३–
नरैनापुर गाउँपालिका कार्यालय बाँकेले कोरोना भाइरस कोभिड १९ को तयारीका लागि १५ लाख रुपैयाँको कोरोना रोग रोकथाम तथा व्यवस्थापन कोष स्थापना गरेको छ । कोरोनाको महामारीमा आपतकालीन राहत वितरण र स्वास्थ्य सेवाका लागि उक्त कोष स्थापना भएको गाउँपालिकाका कार्यकारी अधिकृत मनिराम खरालले जानकारी दिए ।
कोषमा आपतकालीन रुपमा अहिले १५ लाख रकम विनियोजन भएको अधिकृत खरालले जानकारी दिए । यस्तै उक्त कोषमा गाउँपालिकाका अध्यक्ष ईश्तियाक अहमद शाहले २५ हजार र अन्यबाट १० हजार रुपैयाँ नगद जम्मा भएको खरालले बताए । अहिले कोषमा जम्मा भएको रकमबाट पहिलो चरणमा गरिब, विपन्न र मजदुर परिवारलाई खाद्यान्न वितरण गरिएको छ । नरैनापुरका ६ वडाका ७२० जनालाई उक्त कोषबाट खाद्यान्न उपलब्ध गराएको हो ।
दोस्रो चरणमा ५०० जनालाई खाद्यन्न राहत उपलब्ध गराउने तयारी रहेको गाउँपालिकाका अध्यक्ष शाहले बताए । कोषमा गाउँपालिकाले अन्य रकम रकामान्तर गर्दै जम्मा गर्ने तयारी भएको अध्यक्ष शाहले जानकारी दिए । यस्तै स्थानीय व्यापारी, उद्योगी, संघसंस्था, कार्यालयष्, कर्मचारीलाई समेत कोषमा रकम जम्मा गर्न आग्रह गरिने भएको छ । कोरोना महामारीबाट बच्नका लागि नरैनापुर गाउँपालिकाले आवश्यकता अनुसार कोषमा रकम जम्मा गर्ने तयारी गरेको छ ।