छिनछिन खबर
काठमाडौं–सरकारले नेपालगन्ज लगायततराईका विभिन्न विमानस्थलहरुको स्तरोन्नतीका लागि विशेष योजना अघि सारेको छ । नेपालगन्जको साथै विराटनगर, चन्द्रगढी विमानस्थलको स्तरोन्नतीका लागि सरकारले योजना अघि सारेको हो ।
त्यसैगरी धनगढी, भरतपुर, जनकपुर र राजविराजको स्तरोन्नतीका लागि पनि सरकारले काम गर्नेछ । विराटनगर विमानस्थलको स्तरोन्नतीका लागि ४ अरब रुपैयाँ लाग्ने बताइएको छ । जग्गा अधिग्रहणाकलागि समेत सोही बराबरको रकम लाग्ने अनुमान गरिएको छ । यस्तै नेपालगञ्ज विमानस्थलका लागि ४ अर्ब र जग्गा अधिग्रहणका लागि ३ अर्ब खर्च हुनेछ । यसैगरी चन्द्रगढी विमानस्थल स्तरोन्नतीका लागि जग्गा अधिग्रहण गर्न ३ अर्ब र विमानस्थल निर्माणका लागि २ अर्ब लाग्ने अनुमान गरिएको छ ।
धनगढी विमानस्थलको स्तरोन्नतीका लागि २ करोड रुपैयाँ र जग्गा अधिग्रहणमा साढे ४ अर्ब खर्च हुने अनुमान गरिएको छ । यसैगरी भरतपुर विमानस्थलको रनवे ओभरलेको काम अन्तिम चरणमा पुगेको छ । १० करोड रुपैयाँको रकम विनियोजन गरिएको छ । यसैगरी जनकपुर विमानस्थलको स्तरोन्नतीको काम पनि अन्तिम चरणमा पुगेको छ ।
परियोजनामा कुल ३७ करोड रुपैयाँ खर्च हुने अनुमान गरिएको छ । यस्तै राजविराज विमानस्थल निर्माणमा ६० करोड र जग्गा अधिग्रहणमा साढे १ अरब रुपैयाँ खर्च हुने अनुमान गरिएको छ । सम्पूर्ण विमानस्थलको स्तरोन्नतीका लागि ५ वर्षको समयावधि तोकिएको छ ।
