छिनछिन खबर
काठमाडौं–मादक पदार्थ सेवन गरी महिला सहकर्मीमाथि दुव्र्यवहार गरेको आरोपमा नेपाल स्वास्थ्य अनुसन्धान परिषद्का तालिम अधिकृत विजयकुमार झा निलम्बनमा परेका छन् । मादक पदार्थ सेवन गरी झाले मंसिर १ गते कार्यलय परिसरमै दुव्र्यवहार गरेको भन्दै पीडित महिलाले परिषदका कार्यकारी अध्यक्ष डा. अञ्जनीकुमार झासमक्ष उजुरी गरेकी थिइन् ।
उजुरी परेपछि अध्यक्ष झाले बैठक बोलाएर विभागीय कारबाही गर्ने निर्णय गरेका हुन् । अधिकृत झालाई ४ मंसिरदेखि १७ मंसिरसम्म निलम्बन गरिएको छ । साथै, परिषदले उनको मंसिर र पुस दुई महिनाको तलब समेत रोक्का गर्ने निर्णय गरेको छ ।
निलम्बन पत्रमा भविष्यमा कार्यालय समयमा फेरि पदीय मर्यादा विपरित कार्य दोहोरिएको पाइएमा परिषद्को सेवाको लागि अयोग्य ठहरिने गरी बर्खास्त गरिने चेतावनी पनि दिइएको छ । पीडित कर्मचारीले कार्यालयमा भएको दुव्र्यवहारविरुद्ध प्रहरीमा जाने तयारी गरिरहेको कार्यकारी अध्यक्षलाई मौखिक जानकारी गराएकी थिइन् । मुद्दा प्रहरीसम्म पुग्ने देखिएपछि परिषद अधिकृत झालाई निलम्बन गर्न वाध्य भएको परिषद्ले जनाएको छ ।