एजेन्सी
बङ्गलादेश–बङ्गलादेशमा मुसलमान समुदायको वैवाहिक परम्परालाई चुनौती दिँदै एक किशोरीले आफूले मन पराएको केटासँग विवाह गर्नका लागि ‘जन्ती’ लिएर बेहुलाको घरमा पुगेकी छिन् । यसले परम्पराको नाममा हुने महिला अधिकार हननका विषयमा बहस तीब्र बनाइदिएको छ ।
स्थानीय सञ्चारमाध्यमले जनाए अनुसार खाजिदा अख्तर खुशीले जन्ती लिएर बेहुला तारिकुल इस्लामको घरमा पुगेकी थिइन् । विवाह बङ्गलादेशको पश्चिमी ग्रामिण जिल्ला मेहरपुरमा भएको हो । मुसलमान परम्परा अन्य परम्पराका तुलनामा बढी कट्टर मानिने भए पनि एसियाली यस मुलुकमा भएको विवाह उत्सवले सामाजिक सञ्जालमार्फत विश्वभर चर्चा पाएको छ ।
खुशीले जन्ती लिएर बेहुलाकहाँ गएको घटनाले विश्वभर स्थापित मान्यतालाई उल्ट्याइदिएको छ । ’हो, परम्परागत रूपमा यो असामान्य हो । विवाहका लागि बेहुला रहेका इस्लामका अनुसार उनीहरूको यो प्रयोगलाई परिवार र साथीहरूको साथ थियो । इस्लामले भने, ’महिला पुरूषबीचको समान अधिकारका लागि लिङ्गगत विभेदलाई अन्त्य गर्ने उद्देश्यका साथ हामीले नयाँ प्रचलनलाई व्यवहारमा ल्यायौँ।
यसलाई हाम्रो परिवार र समाजले स्वीकार ग¥यो ।’ ’म विश्वस्त छु एक पुरुषले जे गर्नसक्छ त्यो महिलाले पनि गर्न सक्छिन् भन्ने एउटा नयाँ सन्देश हाम्रो विवाहले दिएको छ,’ उनले थपे । विवाहपछि उनीहरूको फोटो तथा भिडियोहरू अनलाइन तथा सामाजिक सन्जालमा छाएको छ । यसले सामाजिक सन्जालमा विवाहको नयाँ अभ्यास बारेमा बहस सुरू भएको छ ।
एएफपी
