छिनछिन खबर
काठमाडौं– दशैंलगायतका चाडपर्वलाई लक्षित गरी सार्वजनिक गाडीको टिकट बुकिङ खुला गरिएको छ । टिकट बुकिङसँगै नयाँ बसपार्कमा नागरिक सहायता कक्ष पनि सुरु भएको छ । नागरिक सहायता कक्ष टिकट बुकिङ स्थलहरुमा राखिने र त्यहाँ सादा पोसाकमा प्रहरी पनि परिचालन गरिने यातायात व्यवस्था विभागले जनाएको छ ।
त्यस्तै व्यवसायीले भाडा पनि बढाएर लिन पाउने छैनन् । अहिले जति भाडादर त त्यही दरमा यात्रुले गन्तव्यसम्म पुग्न पाउने हमालले स्पष्ट पारे । टिकट बुकिङ बिहान ७ बजदेखि साँझ ६ बजेसम्म खुला रहने विभागले जनाएको छ । करिब २० लाख यात्रु दशैंका लागि राजधानीबाट बाहिरिने अनुमान गरिएको छ ।