छिनछिन खबर
काठमाडौं–चर्चित अभिनेत्री रेखा थापाले बनाएको चलचित्र हिम्मतवालीमा हिरो बनेका सुदर्शन गौतम बेरोजगार युवालाई ठगी गर्ने धन्दामा लागेको पाइएको छ । क्यानडामा बसोबास गर्ने आवासीय अनुमति र अमेरिकाको ग्रीन कार्ड पाएका गौतमले युवालाई विदेश लैजाने नाममा करोडौं रकम ठगी गरेको प्रहरीले जनाएको छ ।
दुई हात गुमाएका गौतमले सगरमाथा आरोहण गरेपछि उनी चर्चामा आएका थिए भने त्यही बेला उनले रेखा थापाको ब्यानरमा बनेको चलचित्रमा अभियन गरेका थिए । चलचित्रमा अभिनय गरेपछि कलाकार बनेका गौतमले त्यही पेशालाई लिएर ठगी धन्दा चलाएको प्रहरीले जनाएको छ । कलाकारका नाममा क्यानडा र अमेरिका लैजाने भन्दै दाङदेखि रोल्पासम्मका युवालाई ठगी गरेको प्रहरीले जनाएको छ । गौतमले ठगीको धन्दा सञ्चालन गरेपछि उनी नेपाल फर्किन सकेका छैनन् भने प्रहरीले फरार सूचिमा नाम राखेको छ । अमेरिका र क्यानडामा बस्दै आएका गौतमलाई पक्राउ गर्न नेपाल प्रहरीले अन्तर्राष्ट्रिय प्रहरी संगठन (इन्टरपोल) लाई पत्राचार गरिसकेको छ ।
काठमाडौ जिल्ला अदालतले गौतमलाई ३ साउनमा पक्राउ पूर्जी जारी गरेको थियो भने २३ साउनमा नेपाल प्रहरीले इन्टरपोललाई पत्र लेखेको थियो । त्यसयता इन्टरपोलसँग नियमित सम्पर्क भइरहेको प्रहरीले जनाएको छ । नेपाल प्रहरीले रेडकर्नर नोटिस जारी गर्न पत्राचार गरेपनि इन्टरपोलले अझै नोटिस जारी गरेको छैन । नेपालबाट फरार भएका गौतमलाई पक्राउ गर्न प्रहरीले इन्टरपोलको सहायता लिएको छ । अमेरिका र क्यानडा लैजानेभन्दै युवाहरुको मानव तस्वकरी गरिरहेका गौतमले करोडौ रकम ठगी गरेका छन् । केही समयअघि मात्र उनीबाट दाङका पाँच युवा ठगिएका छन् ।
क्यानडा लैजाने नाममा उनीहरुलाई समुद्रीक बाटोबाट पाँच देश पु¥याइयो । अन्ततः उनीहरु ६ महिना विदेशी जेलमा बसेर नेपाल फर्केका छन् । उनीहरु ६ महिना जेलमात्र बसेनन् करोडौ रकम पनि गुमाएको प्रहरीले जनाएको छ ।