छिनछिन खबर
काठमाडौं– प्रधानमन्त्री केपी शर्मा ओलीले ‘लुट्न सके लुट कान्छा’ गीतको तालमा ननाच्न प्रतिपक्ष दल नेपाली कांग्रेस लगायतका विपक्षीलाई आग्रह गरेका छन् । ‘गायकले भावनामा बगेर गीत लेखे, सर्वसाधारणले मन पराएनन्,’ ओलीले भने, ‘अनि गायकले गीत फिर्ता लिए ।’ उनले उक्त गीत सरकारले फिर्ता नगराएको दावी गरे ।
ओलीले भने, ‘लुट्न सिकाउने गीतलाई माननीयज्यूले २५ हजार पुरस्कारको घोषणा गर्नुभएछ, हामी कतातिर जाँदैछौ ।’ उनले पशुपति शर्माले गाएको गीतलाई फिर्ता लिन लगाउनु पर्ने कुनै कारण नभएको जिकिर गरे ।
ओलीले गायक शर्माले गीतका शब्दमा समस्या पाएपछि आफैले फिर्ता लिएको दावी गरे । सरकारले गीत बन्द गर्न कतै पनि दवाव नदिएको उनको भनाइ छ । गायक शर्माले भने सत्तारुढ दलका युवाहरुले दवाव दिएका बताएका छन् ।
ओलीले आफू लोकतन्त्र र प्रेस स्वतन्त्रताका पक्षमा जीवनभर लडेको हुनाले अभिब्यक्ति स्वतन्त्रतामा रोक नलगाउने बताए । जीवनमा लोकतन्त्र र प्रेस स्वतन्त्रताका लागि सवैभन्दा धेरै लडँे,’ उनले भने ‘देशभर म जति कोही प्रेस स्वतन्त्रताका लागि लडेको छ भने हात उठाए हुन्छ ।’
ओलीले भ्रष्टाचार जहाँ र जस्तो अबस्थामा भएपनि कारवाही गर्ने बताएका छन् । सुदरपश्चिम प्रदेश सभालाई सम्वोधन गर्दै प्रधानमन्त्री ओलीले अदालतदेखि अख्तियारसम्म भ्रष्टाचारी भए कारवाही गर्ने बताए । ‘हामी भ्रष्टाचारको तेन्द्रो समाउदै जाँदा अख्तियारसम्म पुग्यौं, भ्रष्टाचार गर्ने आयुक्त राजीनामा दिएर भागे, उनलाई कारवाही गरेरै छाडिन्छ ।’
