छिनछिन खबर
काठमाडौं, मंसिर ४ । पूर्वसचिव श्रेष्ठको मंगलबार राती १ बजे ८९ वर्षको उमेरमा नर्भिक अस्पतालमा निधन भएको हो ।उनले उद्योग तथा वाणिज्य मन्त्रालय, शिक्षा मन्त्रालय र पर्यटन मन्त्रालयमा सचिवको रुपमा काम गरेका थिए । शिक्षाविदको रुपमा समेत परिचित श्रेष्ठले शंकरदेव क्याम्पसको स्थापनामा योगदान पुर्याएका थिए । उनी वाणिज्य शास्त्रको जानकारको रुपमा पनि चिनिन्छन् ।
तीन दशकअघि श्रेष्ठ पर्यटन सचिव रहेका बेलामा अमेरिकाबाट ल्याइएको बोइङ विमानले अहिलेसम्म नेपाल वायु सेवा निगमको शाख जोगाइरहेको छ ।पूर्वसचिव श्रेष्ठका परिवारमा श्रीमती १ छोरा र १ छोरी छन् । छोरा डा. प्रकाश श्रेष्ठ लामो समयदेखि आयरल्याण्डमा चिकित्सा सेवामा संलग्न छन् भने छोरी सुनिता श्रेष्ठ शिक्षण सेवामा छिन् ।पूर्वसचिव श्रेष्ठको आजै पशुपति आर्यघाटमा दाहसंस्कार गरिने पारिवारिक स्रोतले जनाएको छ ।
