छिनछिन खबर
काठमाडौं,कात्तिक ११ । नेपाल कम्युनिस्ट पार्टी(नेकपा)का अध्यक्ष प्रचण्डले चितवनलाई आफ्नो जिल्ला भएकै कारण सबै मन्त्रालयले विशेष महत्व दिएको दाबी गरेका छन्।भरतपुर महानगरपालिकामा सञ्चालित आयोजनाको घोषणा कार्यक्रममा भरतपुरमा बोल्दै प्रचण्डले सिटी हल र अन्तर्रा्ष्ट्रिय क्रिकेट मैदान बनाउने घोषणा गरे।
सिटी हल र अन्तर्रा्ष्ट्रिय क्रिकेट मैदान निर्माणका लागि प्रधानमन्त्रीसँग शनिबार कुरा भएको बताउँदै उनले भने ‘सिटी हल र क्रिकेट मैदान आयोजनाको घोषणा गर्दछु।’हुलाकी मार्ग चितवन खण्ड सबैभन्दा पहिले बन्ने उनले बताए। प्रचण्डले चिनियाँ र केही भारतीय कम्पनीहरुसँग मोटर पार्टस् उत्पादन गर्ने परियोजना चितवनमा निर्माण गर्ने विषयमा कुरा भएको जानकारी गराए। उक्त परियोजनाको लागि १५ देखि २० विघा जग्गा छुट्याउने कार्य अघि बढिसकेको बताए।