छिनछिन खबर
कैलाली, असो २० । बलात्कार तथा महिला हिंसाका घटना बढेपछि धनगढीमा आत्मरक्षा तालिम सुरु भएको छ ।
आत्मरक्षासम्बन्धी सात दिने तालिमको शनिबार सुदूरपश्चिम प्रदेशका मुख्यमन्त्री त्रिलोचन भट्टले शुभारम्भ गरेका छन् । आधा आकाश र धर्ती ओगटेका महिलाहरु घर र समाजबाट उपेक्षित रहेको भन्दै महिलाहरुलाई आफ्नो सुरक्षा आफै गर्नुपर्छ भन्ने सन्देश दिनका लागि सुदूरपश्चिम प्रदेशमा रहेका सबै जिल्लाहरुमा विद्यालय स्तरदेखि तालिमको ज्ञान दिन रहेको बताए ।
तालिममा एक हजार महिला सहभागी रहेको राष्ट्रिय गोजुरियो कराते दो संघकामहासचिव प्रकाश चन्दले जानकारी दिए । तालिम पश्चात सहभागी मध्येबाट उत्कृष्ट सय जनालाई प्रशिक्षकको रूपमा छनोट गरिनेछ र उनीहरूलाई स्थानीय तहमा शिविर सञ्चालनका लागि परिचालन गरिनेछ ।
