गोवा, असोज ३०-
चिनियाँ राष्ट्रपति सी जिनपिङले नेपालको भ्रमण यसै वर्ष उपयुक्त समयमा गर्ने वचन दिएका छन् । ब्रिक्स सम्मेलनमा भाग लिने क्रममा गोवा आएका नेपालका प्रधानमन्त्री पुष्पकमल दाहाल र चीनका राष्ट्रपति सीबीच भएको द्विपक्षीय भेटवार्तामा प्रधानमन्त्री दाहालले नेपाल भ्रमणका लागि उनलाई पुनः निम्तो दिएका थिए । परराष्ट्रमन्त्री डा प्रकाशशरण महतका अनुसार प्रधानमन्त्री दाहालको आग्रहपछि राष्ट्रपति सीले भने ‘म यसै वर्ष उपयुक्त समयमा नेपालको भ्रमण गर्छु ।’