नेपालगन्ज उद्योग वाणिज्य संघ निर्वाचन
नेपालगन्ज, साउन ३१–
राजनीतिक दलको समर्थनमा उम्मेदवारी घोषणा गर्ने क्रम बढिरहका बेला सोमबार नेपालगन्जका एक युवा व्यवसायीले भने स्वतन्त्र रुपमा आफ्नो उम्मेदवारी घोषणा गरेका छन् । संघको सदस्य पदका लागि व्यवसायी तेजनारायण कंडेलले सोमबार पत्रकार सम्मेलन गरेर उम्मेदवारी घोषणा गरेका हुन् । आफु स्वतन्त्रबाट संघको कार्यसमितिमा निर्वाचित हुने उनले दाबी गरे ।
उनको प्रस्तावकमा निरन्जन लामिछाने रहने छन् भने, समर्थकमा मदनप्रसाद पोखरेल रहने भएका छन् । नेपालगन्ज उद्योग वाणिज्य संघको निर्वाचन नजिकिदै गर्दा उद्योगी व्यापारीमा चुनावी रौनकता छाएको छ । संघको निर्वाचन आगामी भदौ ११ गते हुने निश्चित भइसकेको छ । निर्वाचनका लागि विभिन्न तीन वटा प्यानल खडा गरेका उद्योगी व्यवसायीले आ–आफ्नो समुहको प्रचार गरिरहेका छन् ।
