छिनछिन खबर
काठमाडौं– भारतको हैदरवादस्थित सरदार बल्लभ भाइ पटेल नेशनल पुलिस एकेडेमीमा भएको आइपिएस (इन्डियन पुलिस सर्भिस) तालिममा नेपाल प्रहरीका प्रहरी इन्सपेक्टर कृष्ण खड्का उत्कृष्ट भएका छन् ।
१३ महिने तालिममा आउट डोर विधामा इन्सपेक्टर खड्का उत्कृष्ट भएका हुन् । उत्कृष्ट भएका खड्कालाई भारतका गृहमन्त्री अमित शाहले सोर्ड अफ अनरद्धारा सम्मानित गरेका थिए । सो तालिममा नेपाल प्रहरीबाट ५ जना इन्सपेक्टर सहभागी भएका थिए ।
खड्कासँग इन्सपेक्टरहरु बोधराज रेग्मी, उमेश गुरुङ श्रेष्ठ, अमरबहादुर माझी र अनु लामा सहभागी भएका थिए । यस्तै भुटानबाट ६ जना, माल्दिभ्सबाट ४ जना, भारत र नेपाल गरी तालिममा १ सय ३ जना सहभागी भएका थिए ।