छिनछिन खबर
काठमाडौं–वैदेशिक रोजगार व्यवसायी संघका अध्यक्ष रोहन गुरुङको घरमा विस्फोट गराउन बम नै प्रयोग भएको पुष्टि भएको छ । शुक्रबार साँझ काठमाडौको बसुन्धारामा रहेको गुरुङको घरमा बम विस्फोट गराइएको थियो । प्रहरीले गुरुङको घरमा बम विस्फोट गराइएको बताए पनि कसले गराएको हो भन्नेबारे केही बताएको छैन ।
विस्फोटमा परी ५ जना घाइते भएका छन् । घटनामा काठमाडांै हानगरपालिका–३, का शैलेन्द्र खड्का, मिलन बस्नेत, ममता गौतम र दिवाकर गुरुङ घाइते भएका हुन् । अर्का एक जनाको नाम खुलेको छैन । बम विस्फोटपछि लागेको आगो साढे ८ बजेतिर स्थानीय बासिन्दा र दुईवटा दमकलको सहायतामा नियन्त्रणमा आएको नेपाल प्रहरीका प्रवक्ता एसएसपी उत्तमराज सुवेदीले जानकारी दिए । विस्फोटबाट बा १० च ६७८९ नम्बरको गाडी जलेर नष्ट भएको छ भने घरका सिसा, ढोका र सटरमा क्षति पुगेको छ । घटनाको बारेमा थप अनुसन्धान भैरहेको पनि प्रहरीले जनाएको छ ।
