छिनछिन खबर
काठमाडौं– वैदेशिक रोजगार विभागले सम्झौता अनुसारको सेवा सुविधा उपलब्ध नगराउने विभिन्न देशका ६५ रोजगारदाता कम्पनीलाई कालोसूचीमा राखेको छ । अब ती कम्पनीम नेपाली कामदार पठाउन रोक लगाइएको छ ।
यसरी रोक लगाइएकामा मलेसियाका ५२, संयुक्त अरब इमिरेट्स र साउदी अरेबियाका ५÷५ र कतारका ३ कम्पनी छन् । कामदारलाई समयमै सेवा सुविधा नदिइएको, काम दिन नसक्दा श्रमिक अलपत्र भएको, कतिपय कम्पनीनै समस्याग्रस्त अवस्थामा रहेकाले ती कम्पनीमा कामदार पठाउन रोक लगाइएको विभागका महानिर्देशक दिलीप चापागाईले जानकारी दिए ।
कामदार पठाउन रोक लगाएसँगै अब ती कम्पनीबाट आउने मागपत्र सम्बन्धित देशका नियोगले प्रमाणीकरण गर्ने छैनन् भने विभागले पनि ती कम्पनीका लागि श्रम स्वीकृति जारी गर्ने छैन ।
देश कम्पनी
मलेसिया ५२
संयुक्त अरब इमिरेट्स ५
साउदी अरेबिया ५
कतार ३
