दाङ, असोज १२
भारतले लगाएको अघोषित नाकाबन्दीको विरोधमा जिल्लाका युवाहरू सडकमा उत्रिएका छन्। सडकमा उत्रिएका सयौ युवाको जमातले भारत विरुद्ध विभिन्न नाराबाजी लगाउँदै घोराहीका विभिन्न स्थानको परिक्रमा गरेको थियो । अन्तमा घोराहीको सहिद गेटबाट सुरु भएको र्याली पुनः सहिद गेटमा पुगी कोण सभामा परिणत भएको थियो । समृद्ध दाङ समुन्नत नेपालको आयोजनामा निकालिएको विरोध र्यालीमा नाकाबन्दी खारेज गर, भारतीय विस्तारवाद मुर्दावाद, मोदी सरकार होसियार, पारवहान सन्धी लागू गरलगायतका नारा लगाइएको थियो । कोण सभामा बोल्दै यहाँका युवाहरुले भारतले नेपालको आन्तरिक मामिलामा गरेको हस्तक्षेप र त्यसो नगर्न चेतावनी दिएका थिए । त्यस्तै सोमबार दाङको घोराहीमा भारतीय प्रधानमन्त्रीको पुत्ला जलाइएको थियो।