नेपालगन्ज, भदौ ३०–
हिन्दु नारीहरुको महान पर्व हरितालिका तीजलाई आज बाँकेमा पनि धुमधामका साथ मनाइएको छ । नेपालगन्जको बागेश्वरी मन्दिर सहित कोहलपुर, खजुरा, राँझा लगायत स्थानमा बिहानैदेखि नाचगान भइरहेका छन् । बिबाहित महिलाले पतिको सु–स्वास्थ्य एवम् दिर्घायूको कामना गर्दै तीजको ब्रत लिन्छन, भने अबिबाहित किशोरीले असल पति पाउन ब्रत लिने चलन छ । आजको दिनमा महिलाहरु निराहार ब्रत बस्ने गर्छन् । निराहार ब्रत बसेपछि मनले चिताएको कुरा पुरा हुने धार्मिक विश्वास रहि आएको छ । तीजको अवसरमा आज बाँकेका विभिन्न ठाउँमा रहेका मन्दिरहरुमा पुजा गर्ने महिलाको ठुलो भिड लागेको छ ।