काठमाडौं–कान्तिपुर दैनिकका पत्रकार बानियाँ मृत अवस्थामा फेला परेका छन्। तीन दिनदेखि बेपत्ता बानियाँको शव मकवानपुरको मान्डु हाइड्रोपावरको फिल्टरमा अड्किएको अवस्थामा फेला परेको हो । शव बानियाँकै भएको उनकी छोरीले यकिन गरेको प्रहरीले जनाएको छ । उनी घरबाट सम्पर्कविहीन भएपछि परिवारले खोजी गरिदिन महानगरीय अपराध महाशाखामा निवेदन दिएका थिए। पत्रकार बानियाँ तीन दिन देखि सम्पर्कविहीन थिए। उनी परिवार साथीभाइ र कार्यालयको सम्पर्कमा नरहेको भन्दै कान्तिपुर दैनिकले समेत बुधबार बिहान उजुरी दिएको थियो।
विगत दुई दशकदेखि कान्तिपुर दैनिकमा काम गर्दै आएका बानियाँले केही समय नागरिक दैनिकमा पनि काम गरेका थिए।