श्रीमती हत्यामा जन्मकैदको सजाय काटिरहेका पूर्वडीआइजी रञ्जन कोइराला रिहा

काठमाडौं– घरायसी विवादमा श्रीमतीको हत्या गरी सर्वस्वसहित जन्मकैदको सजाय काटिरहेका सशस्त्र प्रहरी बलका तत्कालीन डीआइजी रञ्जन कोइराला बिहीबार रिहा भएका छन् । कोइरालाले २०६८ पुस २७ गते घरायसी विवादमा श्रीमतीको हत्या गरेका थिए । उनलाई काठमाडौँ जिल्ला अदालतले ०७१ वैशाख ७ मा सर्वस्वसहित जन्मकैदको फैसला गरेको थियो । सो फैसला पुनरावेदन अदालत पाटनले ०७२ मंसिर २३ मा सदर गरेको थियो ।

सर्वोच्च अदालतले भने जन्मकैदको सजाय घटाएर साढे आठ वर्षमा झारिदिएपछि कोइराला डिल्लीबजार कारागारबाट रिहा भएका हुन् । हत्या मुद्दामा जिल्ला र पुनरावेदन अदालत गरेको जन्मकैदको फैसला असार १५ गते सर्वोच्च अदालतले घटाएर ८ वर्ष ६ महिनामा झारेपछि उनी रिहा भएका हुन् ।

यता महिला अधिकारकर्मी र संघसंस्थाले भने उक्त फैसलाले महिलामाथि गम्भीर प्रकृतिका घटना झन् बढ्दै जाने भन्दै आपत्ति जनाएका छन् ।

प्रतिक्रिया दिनुहोस्