माग सम्बोधन हुने भन्दै अनलाइन कक्षा संचालन गर्न मन्त्रालयको अनुरोध

काठमाडौं– निजी विद्यालयले शुल्क, भाडा, कर्जा, कर्मचारीको तलबलगायतको माग सम्बोधन नभएको भन्दै १ साउनदेखि अनलाइन कक्षा स्थगन गरेपछि अनलाइन कक्षा संचालन गर्न शिक्षा मन्त्रालयले निजी विद्यालयलाई अनुरोध गरेको छ । निजी विद्यालयले राखेका समस्याबारे चाँडै ठोस निरुपण हुने भन्दै अनलाइन कक्षालाई निरन्तरता दिन मन्त्रालयले अनुरोध गरेको हो।

आर्थिक वर्ष २०७७/७८ को मौद्रिक नीतिमार्फत पनि शिक्षालगायत व्यवसायले लिएको कर्जाको साँवा ब्याज भुक्तानी गर्ने अवधि थपिएको पनि मन्त्रालयले जनाएको छ। अनलाइन कक्षा सञ्चालन गर्दा व्यवहारिक कठिनाइ देखापरे स्थानीय सरकारसँग समन्वय गर्न पनि मन्त्रालयले आग्रह गरेको छ।

प्रतिक्रिया दिनुहोस्