काठमाडौं– कर्णाली प्रदेश सरकारले कोरोना संक्रमण अन्त्य नहुँदासम्म सेना परिचालन गर्न पाउने अधिकार माग गरेको छ। कोरोनाको संक्रमण फैलिँदै गएपछि संक्रमितको उद्धार, क्वारेन्टिनको सुरक्षा तथा व्यवस्थापन र अन्य प्रतिकार्यमा सेना परिचालन गर्ने अधिकार मागेको हो ।
सोमबार बसेको मन्त्रिपरिषदका निर्णयहरु बुधबार सार्वजनिक गर्दै कर्णाली प्रदेश सरकारकी प्रवक्ता विमला केसीले नेपाल प्रहरी र सशस्त्र प्रहरी बलले मात्रै सुरक्षा र प्रतिकार्य सम्भव नभएपछि आवश्यक परेको खण्डमा सेना परिचालन गर्न पाउने कुरा केन्द्र र संघीय सरकारसँग स्वीकृत मागिएको बताएन् ।