काठमाडौं, जेठ ६–
प्रतिनिधिसभा संसदबाट सरकारको आगामी वर्षको नीति तथा कार्यक्रम पारित भएको छ। प्रमुख प्रतिपक्षी नेपाली कांग्रेसलगायत प्रतिपक्षी दलहरूले विरोध गरे पनि सभामुख अग्निप्रसाद सापकोटाले आर्थिक वर्ष २०७७/०७८ को नीति तथा कार्यक्रम बहुमतबाट पारित पारित भएको घोषणा गरे।
नीति तथा कार्यक्रममा ८ प्रतिशत आर्थिक वृद्धिदरको लक्ष्य राखिएको छ । यसैगरी पाँच वर्षभित्र दोहोरो अंकको आर्थिक वृद्धिदर हासिल गर्ने लक्ष्यसहित नीति तथा कार्यक्रमलाई परिणाममुखी बनाइने विषय समेटिएको बताइएको छ । गतवर्षको नीति तथा कार्यक्रमलाई विकास र समृद्धिको आधार बनाउदै नयाँ नीति तथा कार्यक्रममा समृद्धिको लक्ष्य प्राप्त गर्ने प्रतिबद्धता आउने जनाइएको छ । यसैगरी नयाँ नीति तथा कार्यक्रमले कृषि, ऊर्जा, पूर्वाधार निर्माण र औद्योगिकीकरणलगायतमा विशेष जोड दिने बताइएको छ ।
राष्ट्रपति विद्यादेवी भण्डारीले जेठ २ गते संसदमा नीति तथा कार्यक्रम पेस गरेकी थिइन्।