कपिलवस्तु, वैशाख २९–
कपिलवस्तु– कपिलवस्तुमा थप १० जनामा कोरोना भाइरस रोग (कोभिड–१९) संक्रमण पुष्टि भएको छ। स्वास्थ्य तथा जनसंख्या मन्त्रालयले सोमबार विज्ञप्ति जारी गरी यशोधरा गाउँपालिका र बुद्धभूमि नगरपालिकाका १० पुरुषमा संक्रमण पुष्टि भएको जनाएको छ। संक्रमित १८ देखि ३४ वर्ष उमेर समूहको रहेको विज्ञप्तिमा उल्लेख छ। यससँगै नेपालमा कोरोना संक्रमितका संख्या एक सय २० पुगेको छ भने कपिलवस्तुमा संक्रमितको संख्या १५ पुगेको छ।
