छिनछिन खबर
काठमाडौं, भदौ १६
छैटौंपटक आमरण अनशनमा बसेका त्रिवि शिक्षण अस्पताल महाराजगन्जका वरिष्ठ हाडजोर्नी रोग विशेषज्ञ डा. गोविन्द केसीको माग सम्वोधन गर्न सरकारले ढिलाई गरेको छ । चिकित्सा शिक्षाको विकृतिविरुद्ध अनसनमा बसेका उनको स्वास्थ्य अत्यन्तै जोखिमपूर्ण अवस्थामा पुगेको छ ।0
नर्मल स्लाइनबाहेक औषधी र पानीसमेत नखाएका केसीको स्वास्थ्य अवस्था जटिल बन्दै गएको हो । नवांै दिनमा आइपुग्दा निरन्तर छाती, मासंपेशी र टाउको दुख्ने र श्वासप्रश्वास समस्या उत्पन्न भएको छ । डा. केसीको स्वास्थ्यलाई नजिकबाट जाँच गरिरहेकी वरिष्ठ फिजिसियन डा. दिव्यसिंह शाहले पछिल्लो पटक रगतको मात्रा पनि निकै घट्न थालेको बताएकी छन् । उनका अनुसार डब्लुबिसीको मात्रा सामान्य अवस्थामा पनि ४ हजारभन्दा बढी हुनुपर्नेमा ३ हजार ३ सयमा झरिसकेको छ । खानेकुरामा पाइने यस्ता लवणको कमीले गर्दा सबै मासंपेशीले काम गर्न कठिन हुने डा. शाहले जानकारी दिईन् । चिकित्सकहरुले अनशनस्थल आइसियु र भेन्टिलेटर उपलब्ध स्थानभन्दा निकै टाढा भएकाले पनि त्रास थपिएको बताए ।