छिनछिन खबर
काठमाडौं– त्रिभुवन अन्तर्राष्ट्रिय विमानस्थलमा कार्यरत महिला प्रहरीलाई अभद्र ब्यवहार गरेको आरोपमा प्रहरी हिरासतमा रहेकी गायिका आस्था राउत धरौटीमा रिहा भएकी छिन् । जिल्ला प्रशासन कार्यालय काठमाडौंले राउतलाई चार हजार धरौटीमा रिहा गरेको प्रमुख जिल्ला अधिकारी जनकराज दाहालले बताए ।
गायिका राउतबिरुद्ध महिला प्रहरीले उजुरी दिएकी थिइन् । बिमानस्थलमा महिला प्रहरीसँग भनाभन भएपछि आस्थाले सामाजिक सञ्जालबाट नेपाल प्रहरीको मान मर्दन हुने अभिव्यक्ति दिएकी थिइन् । सिक्किमबाट फर्केपछि उनी प्रहरीमा पुगेकी थिइन् ।
