छिनछिन खबर
काठमाडौं–एक महिलालाई रोग निको पार्ने आश्वासन दिएर बलात्कार गरेको आरोपमा ललितपुरस्थित कुसुन्तीमा अवस्थित आशा विश्वासी मण्डली चर्चका पाष्टर ध्रुवबाबु भनिने विश्वास जोशीलाई प्रहरीले पक्राउ गरेको छ ।
चर्चमा नियमित आइरहने उक्त महिलाले उजुरी दिएपछि जोशीलाई सोमबार साँझ पक्राउ गरिएको महानगर प्रहरी परिसर, ललितपुरका डीएसपी सन्तोष तामाङले बताए . प्रहरीका अनुसार पाष्टरले आफूसँग यौन सम्पर्क राखे रोग निको हुने आश्वसन देखाई चापागाउँको एक गेष्ट हाउसमा बोलाएर ती महिलालाई जबरजस्तीकरणी गरेको महिलाको आरोप छ । पहिलो पटक महिलाले जोशीको विश्वासमा परेर आफूखुसी यौन सम्बन्ध राखे पनि जोशीले पटकपटक सम्बन्ध राख्न खोज्दा यो प्रकरण बाहिर आएको प्रहरीले जनायो ।