छिनछिन खबर
काठमाडौं– देशको विद्यमान अवस्था चित्रित हुने गरी गायक पशुपति शर्माले सार्वजनिक गरेको व्यंग्यात्मक ‘लुट्न सके लुट कान्छा..’ बोलको गीत युट्युबाट हटाइएको छ ।
सार्वजनिक भएको २४ घण्टा नवित्दै रातारात हटाइएपछि शर्मालाई त्यस्तो गर्न बाध्य पारिएको अनुमान छ । यद्यपि शर्माले भने गीत सार्वजकि गरेकोमा माफी मागेका छन् । गीतमा भ्रष्टाचारलाई केन्द्रबिन्दु राखिएको छ । शुक्रबार युट्यूबमाफर्त सार्वजनिक गरेको गीत शनिवार रातिदेखि हटाइएको छ । ‘लुट्न सके लुट कान्छा लुट्न सके लुट, अरु देशमा पाइँदैन नेपालमै हो छुट’ व्यङ्ग्यात्मक शैलीमा निर्माण गरिएको गीत सार्वजनिक हुँदा नै निकै चर्चामा आएको थियो ।
सरकार विरोधी दल र समूहले यसलाई ठूलो हतियारका रुपमा प्रयोग गर्ने योजना बनाएका थिए भने सरकारमा रहेको नेकपाले आपत्ति जनाएको थियो । राष्टपतिको हेलिकप्टरदेखि वाइडबडी विमान खरिदसम्ममा भएको भ्रष्टाचारलाई गीतको बिषय बनाइएको थियो । गायक शर्माले गीतका कारण केही समुदाय र ब्यक्तिमाथि पर्न गएको असरप्रति माफी मागेका छन् ।