नेपालगन्ज, चैत ३०-
नेपाल उद्योग वाणिज्य महासंघको अध्यक्षमा भवानी राणाले बुधबार पदभार ग्रहण गरेर इतिहास रचेकी छिन् । नेपालगन्ज निवासी राणाले महासंघको इतिहासमै पहिलो महिला अध्यक्षका रुपमा पदभार ग्रहण गरेर इतिहास रचेकी हुन् । महासंघको ५१ औँ साधारणसभाबाट निर्वाचित भएर अध्यक्ष राणाले केन्द्रीय कार्यालय टेकुमा बुधबार पदभार ग्रहण गरेकीछिन् । उनलाई निर्वतमान अध्यक्ष पशुपति मुरारकाले पदभार हस्तान्तरण गरेका हुन् । महासंघको संशोधित विधानले वरिष्ठ उपाध्यक्ष नै अध्यक्ष हुने गरिएको व्यवस्था अनुसार मंगलबार भएको महाधिवेशनबाट राणा अध्यक्ष भएकी हुन् । नयाँ व्यवस्थाअनुसार वरिष्ठ उपाध्यक्ष स्वतः अध्यक्ष हुने भएकाले राणा स्वतः अध्यक्ष बनेकी हुन्। नेपालगन्जबाट कृष्ण प्रसाद श्रेष्ठ केन्द्रीय सदस्य निर्वाचित भएका छन् । श्रेष्ठलाई नेपालगन्ज उद्योग वाणिज्य संघले सर्वसम्मत रुपमा केन्द्रीय सदस्य पदका लागि प्रस्ताव गरेको थियो ।
