नेपालगन्ज, असोज १
नेपालगन्जस्थित ज्ञानोदय विद्या निकेतनका विद्यार्थीले नयाँ भर्ना भएका विद्यार्थीलाई एक समारोहकाबीच स्वागत गरेका छन् । स्थानीय भेरी प्राविधिक शिक्षालय परिसरमा कक्षा ११ मा भर्ना भएका विद्यार्थीलाई कक्षा १२ मा अध्ययनरत विद्यार्थीले स्वागत गरेका हुन् । सो अवसरमा ज्ञानोदय विद्या निकेतनका प्रिन्सिपल मानबहादुर थापा, नेपाल शिक्षक महासंघ बाँकेका सचिव तोजेन्द्र बिक, कार्यकारी प्रमुख गणेश भण्डारीलगायत शिक्षकशिक्षकाको रोहवरमा नयाँ विद्यार्थीलाई स्वागत गरिएको थियो । उक्त समारोहमा बोल्दै सचिव तोजेन्द्र बिकले यस्ता कार्यक्रमले नवआगन्तुक विद्यार्थीलाई हौसला प्रदान गर्ने विश्वास लिँदै नयाँ विद्यार्थीलाई पारिवारिक वातावरणको अनुभूति हुने बताए ।
