काठमाडौं, कात्तिक १६
भारतले करिब डेढ महिनादेखि लगाएको अघोषित नाकाबन्दीको विरोधमा भारतीय नागरिकले नै सामाजिक सञ्जाल ट्वीटरमा मोदी हिमालयन ब्लण्डर ह्यासट्याग सुरु गरेका छन् । असल छिमेकीप्रति मोदी सरकारले गरेको अघोषित नाकाबन्दीविरुद्ध ट्वीटर प्रयोगकर्ताले आक्रोश पोखेका हुन् । भारतीय नागरिकले सुरु गरेको सो ह्यासट्यागमा नेपाली ट्वीटर प्रयोगकर्ताले पनि सहभागिता जनाइरहेका छन्। यसअघि नेपाली ट्वीटर प्रयोगकर्ताले ‘ब्याकअफ इण्डिया‘ ह्यासट्याग प्रयोग गरेर भारतीय नाकाबन्दीको विरोध गरेका थिए।
