एजेन्सी–अभिनेता सुशान्त सिंह राजपुतको आत्महत्या केवल आत्महत्या नभएको भन्दै परिवारले अनुसन्धान अगाडि बढाउन दबाब दिएसँगै भारतीय प्रहरी यस प्रकरणसँग जोडिएका चार जना पक्राउ परेका छन् । पक्राउ पर्नेमा सुशान्तकी प्रेमिका रिया चक्रवर्तीका भाइ शौविक चक्रवर्ती, सुशान्तका प्रबन्धक श्यामुअल मिरान्डा, सुशान्तका घरेलु सहायक दीपेश सावन्त र अर्का एक जनालाई अनुसन्धानका लागि प्रहरीले नियन्त्रणमा लिएको हो ।
नारकोटिक्स कन्ट्रोल ब्युरो (एनसीबी)ले यो अनुसन्धान गरिरहेको छ । भारतीय संचार माध्यमका अन्सार दीपेश लागुऔषध खरिद एवम् कारोबारमा समेत संलग्न रहेको खुलेको छ । सुशान्तको १४ जुन २०२० मा वान्द्रास्थित आफ्नै घरमा मृत अवस्थामा भेटिएका थिए ।